Проф. Даниловски во „Само Вистина“: Глупо е да се носат маски на отворено кога сте сам

Нашиот најпознат епидемиолог, проф. д-р Драган Даниловски, вечерва гостуваше во емисијата „Само Вистина“ на Канал 5 телевизија.

Тој посочи дека последниве денови започна повторно да се зголемува бројот на новозаболени од вирусот и на хоспитализирани:

„Од 27-ми септември Македонија забележува нагол пораст на регистрирани на заболени од КОВИД-19, но и на хоспитализирани.


Бројот на хоспитализираните, а не бројот на позитивните кои што се утврдуваат е по релевантен, веродостоен показател за динамиката на епидемијата. Исто така параметар се и бројот на поч инатите.


Бројот на поч инатите во последниве недели на некој начин имаше блага тенденција на опаѓање, мене тоа на некој начин ме натера да верувам дека започна да стивнува вирусот. Меѓутоа еве сега гледаме дека имаме веќе и зголемување на бројот и на поч инатите“, истакна Даниловски.

Но, бројот на хоспитализирани е релевантен и поверодостоен покатазел за динамиката на една епидемија. Според него, вирусот имаше мутација во месец април, стана поинфективен, но тоа немало реперкусии врз тежината на клиничката слика.


Професорот Даниловски проговори околу вакцината. Тој смета дека таа не треба да биде задолжителна за сите, туку само за ризичните групи, како и постарата популација, од 65 години нагоре.


Д-р Даниловски смета дека нема втор, трет, четврти бран на пандемијата, туку една константна крива, која сега во текот на есенските месеци ќе се зголеми и поради тоа, сите треба да бидат одговорни.


-Видете, ќе звучи можеби малку грубо, но според мене, глупо е да се носи маска кога се движите на отворено. Особено ако во околината нема никој.


Но, ако во ваша близина има некој, особено ако некој се искашлал, вие сте во ризик и поради тоа, кога сте во близина на луше, на помало растојание, треба да се носи маска.

Многумина не носат маска и едноставно не веруваат во вирусот. Тоа пред сè се должи на нашето лошо образование во изминатите триесет години и недоволната едуцираност на одреден слој од населението.


-Пазете, кога сте дома, вие можете што сакате да правите, но кога ќе излезете надвор, вие веќе имате одговорност и спрема другите. Тоа е таа таканаречена, колективна одговорност. Исто како кога ќе се вклучите во сообраќај, доколку не почитувате правила, можете да ја загрозите и безбедноста на други учесници во сообраќајот.


Поради тоа и поради тоа што постојат такви поединци, државата мора да превземе соодветни мерки, за да ги заштити одговорните граѓани и колективитетот, потенцираше проф. д-р Драган Даниловски во емисијата „Само Вистина“ на Канал 5 телевизија.

извор: galama.klub


83425208_113292373554260_678017133495032
29060043_2016680208590936_36926234558838

© 2020 Аналитикум / Analitikum