Ќерката на Сеад Кочан основа компанија за патишта и автопати


Тима Кочан, ќерката на поранешниот сопственик на „Трансмет“ Сеад Кочан, основа компанија со приоритетна дејност - изградба на патишта и автопати. Новооснованото претпријатие се вика Аваз Холдинг, друштво за градежништво, транспорт, производство и трговија.


Управител е Осман Муртеза, поранешен инжењер на „Трансмет“ за автопати и патишта, а и генерален директор на Технобилд, чија специјалност е нискоградбата. Големината на претпријатието е микро, а седиштето е во Аеродором.


„Трансмет“ покрај тоа што беше вовлечен во случајот „Труст“ на поранешното Специјално јавно обвинителство поради што во 2019 се најде под стечај, а имотот на компанијата стана предмет на конфискација од страна на државата, работеше и на автопатот Кичево - Охрид, како и на реконструкција на скопската обиколница.


Кочан година и пол е во затвор, а Врховниот суд минатата година во септември ја потврди затворска казна од 4 години и 8 месеци за предметот “Труст” на СЈО.


Инаку „Трансмет“ беше најпознат по ископот на јаглен за потребите на АД ЕСМ, а покрај градежна механизација, поседуваше и вредни недвижнини.




извор: faktor.mk

29060043_2016680208590936_36926234558838
  • Facebook

© 2020 Аналитикум / Analitikum