Филипче добива партиска функција? Министерот за здравство е новото кадровско освежување на СДСМ

Министерот за здравство Венко Филипче, кој е прв човек и на Комисијата за здравство во СДСМ, треба да заземе висока партиска функција во рамки на кадровските промени и освежувања што ги најави партискиот лидер Зоран Заев, брифираат високи партиски извори.

-Досега не сум разговарал за партиска функција во СДСМ – изјави Филипче за Фокус, кој, сепак, не одговори на нашето дополнително прашање дали има амбиции за партиска функција и дали би прифатил таков предизвик?

Неофицијално, Филипче најверојатно ќе влезе во новиот Извршен одбор на социјалдемократите и воедно ќе стане еден од тројцата потпретседатели на владејачката партија, а одредени информации дури говорат дека е во комбинација и за влијателната позиција заменик-претседател, која моментално ја извршува министерката за одбрана Радмила Шекеринска.



извор: infomax.mk


29060043_2016680208590936_36926234558838
  • Facebook

© 2020 Аналитикум / Analitikum