Дупло дно, објавен нoн пejпepoт на Димитров, Османи и Захариева за македонскиот јазик

Австрискиот новинар Кристијан Фердинанд го објави нон-пејпрот, што било договорено на средбата во Берлин меѓу министрите Никола Димитров, Бујар Османи и Екатерина Захариева, минатата недела.


Во документот пишува дека Бугарија ќе ја одобри преговарачката рамка за Македонија и ќе се согласи на одржување на првата меѓувладина конференција.


Македонија, пред членките на унијата и пред европските институции официјално ќе изјави дека краткото име, С Македонија се однесува исклучиво на политичкиот ентитет Република С Македонија, објави Телма.


Како што пишува во нон-пејпрот договорен во Берлин, Бугарија го задржува правото, во унилатерална изјава која ќе биде анекс на преговарачката рамка, да објави дека македонски јазик го подразбира македонски јазик во согласност со Уставот на Македонија.

Македонија е подготвена официјално да изјави дека македонскиот јазик е кодифициран во 1945 година.


Еве што стои понатаму во нон-пејперот:


-Бугарија и Македонија ја потврдуваат подготвеноста да ја интензивираат својата блиска билатерална соработка на темелите на Договорот за пријателство, добрососедство и соработка, со посебен акцент на работка на Заедничката мултидисциплинарна експертска комисија за историски и образовни прашања, што треба да се интензивира и да станат потранспарентни, вклучително и со објавување на постигнатите резултати. Германија изразува подготвеност да ја поддржи работата на Комисијата со споделување на најдобрите практики за методите на работа.


-Бугарија и Македонија официјално ќе го потврдат членот 11 од Договорот за пријателство, добрососедство и соработка, вклучително и малцинските прашања и повторно ќе се обврзат да преземат ефикасни мерки за спречување на ненамерната пропаганда од институциите и агенциите и да ги обесхрабрат активностите на приватните субјекти насочени кон поттикнување на насилство, омраза и други слични активности што можат да бидат штетни за нивните односи.


-Бугарија, Македонија и Германија ја нагласуваат важноста на поврзаноста и инфраструктурата, особено железничката и патната врска што се одвива од Драч преку Скопје до Софија и Варна. Тие ќе поддржат приоритете на Коридорот VIII во рамките на Економскиот и инвестициски план на Комисијата на ЕУ за Западен Балкан.


-Бугарија и Македонија се согласуваат околу важноста за поттикнување на добрососедските односи на сите нивоа, вклучително и преку размена на млади, и размислуваат да започнат заеднички проект за размена на младите, додека заеднички ќе ги испитаат понатамошните можни области за соработка за поттикнување на меѓусебното разбирање и интензивирање на билатералните контакти, вклучително и проекти за размена на медиуми и збратимување на градови.


-Бугарија, Македонија и Германија остануваат загрижени за тешката состојба предизвикана од пандемијата, нагласуваат дека тесната соработка меѓу соседите во рамките на ЕУ и ЕУ со земјите од Западен Балкан е клучна за заедничко надминување на кризата што го доведува во опасност нашиот просперитет, социјалната кохезија и стабилност.


извор: infomax.mk

83425208_113292373554260_678017133495032
29060043_2016680208590936_36926234558838

© 2020 Аналитикум / Analitikum