Димитриевски: Кривичната пријава е политички реваншизам, не е издржана

Градоначалникот на Куманово, Максим Димитриевски за ТВ21 истакна дека имало обид за негова дискредитација во јавноста со цел да се уништи неговиот личен интегритет, но верува дека во институциите има и професионалци кои ќе го дадат својот одговор.


„Нема да го коментирам одговорот на ОЈО тој веќе е објавен во јавност, но на самиот почеток знаев дека се работи за кривична пријава која не е издржана, инаку јас сум одговорен човек и подготвен сум да понесам било каква одговорност за моите постапки, но во овој случај некој сакаше да наштети директно и на тој начин можеби да направи политички реваншизам“, посочи Димитриевски.


Тој порачува дека постапката која планира да ја спроведе во следниот период ќе го потврди тоа, доколку истата ја сработат реални и вистински професионалци во системот, а со тоа конечно ќе се стаи крај на монтираните процеси.


„Замислете постапка се спроведува, вие сте осомничени со налози, а никој не ве повикува да дадете било каков исказ, туку одеднаш поднесуваат кривична пријава. Од луѓе коишто директно работат во Министерството за внатрешни работи, самите во внатрешна постапка, а и по спроведување на пријавата од моја страна до внатрешна контрола на МВР, самата контрола ќе покаже кој, зошто и по чија нарачка тоа има изготвено кривична пријава која што е основано неиздржана“, појаснува Димитриевски

Тој порача дека во делот на внатрешните политички недоразбирања, препукувања или евентуални монтажи ќе се разговара на повисоки партиски органи во рамки на партијата, а по потреба и на суд.

„Согласно сето она кое беше изнесено во јавноста мојот адвокатски тим веќе работи на изготвување на кривична пријава против директорот на ДЗСИ г-ѓа Бухова Сотирова“, откри Димитриевски.

Извор: ТВ21 vecer.mk

29060043_2016680208590936_36926234558838
  • Facebook

© 2020 Аналитикум / Analitikum