Путин зaминyва во сaмoизoлациjа пopaди кopoнaвиpус

Рускиот претседател Владимир Путин ќе влезе во самоизолација бидејќи барем едно лице од неговата околина е позитивно на коронавирус, објави Кремљ.


Се очекува тој да продолжи да се појавува на состаноци преку видео врска. Соопштението објавено до новинарите во вторникот потврди дека Путин ќе мора да се изолира. Во разговор со таџикистанскиот претседател Емомали Рахмон, Путин рече дека бил принуден да оди во самоизолација поради случаите на ковид во неговата околина.


– Владимир Путин рече дека во врска со идентификуваните случаи на коронавирус во неговата околина, тој мора да го почитува режимот на самоизолација одреден временски период – се наведува во соопштението.


Имајќи го тоа на ум, рускиот претседател ќе учествува на седницата на Советот за колективна безбедност на ЦСТО, закажана за оваа недела во Душанбе, состанок на Советот на шефови на држави на Шангајската организација за соработка и заеднички состанок на шефовите на држави на ОДКС и ШОС преку видео конференција, соопшти Кремљ.



извор: инфомакс

29060043_2016680208590936_36926234558838