(Фото) ОХРИД: Почна да се наплаќа играње карти на плажа 150 денари по особа


Охрид често е критикуван поради високите цени, а особено фиктивните кои се измислуваат за странските туристи кои доаѓаат во посета на градот. Сепак од мало покачување до вртоглава сметка има голема разлика. Неодамна еден турист од странство се пожали за „огромната сметка“ во ресторан во Пештани.


Јоханес напишал дека тој и уште осум негови пријатели седнале во ресторанот на ручек, а седум од нив порачале риба, салата и зелечнук кој го поделиле. Исто така порачале и пиво и црвено вино. Освен што им го донеле најскапото вино од менито туристот вели дека им донеле и работи кои не ги порачале.


Бевме група од девет лица и имавме многу необично искуство во овој ресторан. Кога седнавме, тие самите ни кажаа дека имаат свежа пастрмка од езерото, па така седуммина од нас порачаа малку риба и салата и зеленчук за да ги споделат. За пиење нарачавме пиво и црвено вино. Уште на почетокот тие ни носеа многу повеќе отколку што нарачавме, а исто така не ни кажаа колку риба ќе ни донесат.


Кога дојде сметката видовме дека ни го дале најскапото вино (едно шише 1500 денари), а имаше работи на сметката што не ги нарачавме, а и не ги добивме. Но она што стана проблематично е што тие не послужија со 12.5 килограми риба за седум лица, без воопшто да не прашат колку сакаме. На крајот ни испорачаа сметка од преку 50.000 денари – се пожали туристот.


Потоа, туристите се жалат и за скапите лежалки на плажите, а фотографијата која кружи на Инстаграм стана вистински хит.


извор: инфомакс

29060043_2016680208590936_36926234558838