Ангеловски: Кој друг, ако не овие момци, знае да прави чуда... вие сте мои ХЕРОИ!


Фудбалската репрезентација на Македонија забележа голем триумф на гости кај Германија (1-2), а по натпреварот, селекторот Игор Ангеловски не го криеше задоволството и им честита на играчите за големиот подвиг на гостински терен.

Германците го доживеаја првиот пораз по 20 години во едни мундијалски квалификации, а херои во победата беа Горан Пандев и Ељиф Елмас кои ги дадоа двата гола во мрежата на Марк Андре Тер Штеген.

„Овие момци уште еднаш ја направија горда Македонија, против четирикратен светски, трикратен европски шампион. Дваесетгодишна традиција без пораз. Кој, ако не тие да ја срушат таа традиција? Тие се нашите спортски херои, тоа се нашите фудбалери кои ја кренаа нацијата на нозе, така што, Македонијо, радувај се и слави ги овие херои. Оваа победа е налик на ова ЕП. Никогаш не сме победиле репрезентација со толку титули. Среќен сум што работам со такви фудбалери, честитки до нив. Сега мора да се одмориме, не сме уште свесни што направивме. Овој триумф е за сите, но и за оние кои им го донесовме овој успех, да сфатат што правиме. Добро знаете кои се. Ако еден Јоаким Лев пријде и ти честита за петгодишната работа, тогаш се надевам дека сите ќе се свестат што направивме и каков тим е ова. Но, оваа победа е за целиот народ.“, изјави Ангеловски.

За Македонија ова беше втора победа во квалификациите за СП 2022, по онаа над Лихтенштајн на домашен терен во претходното коло.



29060043_2016680208590936_36926234558838
  • Facebook

© 2020 Аналитикум / Analitikum