Сајкоски од Битола: СДСМ кажа дека ќе има реконструкција на РЕК Битола сега велат ќе го затворат


Денес во Битола се одржа јавна трибина на која се разговараше за идните инфраструктурни проекти кои локалната власт на ВМРО ДПМНЕ ќе ги реализира во Битола и со тоа значително ќе го подобри животот на сите граѓани. На трибината говореа Пеце Милевски претседател на ОК ВМРО ДПМНЕ Битола и пратеничката Олга Лозановска. Гости на трибината беа Ѓоргија Сајкоски генерален секретар на ВМРО ДПМНЕ и Владо Мисајловски потпретседател на ВМРО ДПМНЕ.

Граѓаните на локалните избори ќе ја казнат неспособноста, негрижата и лагите на владата на СДСМ, истакна Сајковски. Власта излажа многу работи, меѓу кои оџакот кој требаше да биде изграден на РЕК Битола за кој излажаа, кажуваа дека ќе има реконструкција на РЕК Битола сега велат дека ќе го затворат, во Битола требаше исто да се направи подобра инфраструктура, имаше и ветувања дека ќе се подобрат влезовите на градот, како и дека ќе биде изграден магистралниот град Градско-Прилеп-Битола за европска Битола, но од сето тоа во изминативе четири години не видовме ништо, вели Генералниот секретар на ВМРО-ДПМНЕ Ѓоргија Сајкоски вечерва на трибина во Битола.

Сајкоски, пред битолчани спомена дека ниту даденото ветување за изградба на Клинички центар во Битола актуелната влада не го реализирала, укажувајќи дека нивната неспособност, негрижа и неработа резултирала со починати 5.600 граѓани или како што рече тој еден град во Македонија помалку.

За Битола, сегашната власт вети и други проекти кои што се однесуваат на здравството, но ние видовме како тие работат во делот на здравствениот сектор бидејќи нивната негрижа доведе ние да имаме еден град помалку во Македонија односно 5.600 луѓе помалку денес и тоа само поради нивната негрижа. Тоа е резултат за нивната неработа, а ветуваа тука дека ќе направат Клинички центар во Битола, вели Сајкоски.

Сајкоски истакна дека ваквото владеење на владата на СДСМ може да се казни на следните локални избори. Ваквата власт мора и може да се казни само на избори, затоа заеднички вие, ние и сите заедно на следните локални избори ќе донесеме победа и тука во Битола и победа во Македонија, порача тој.


29060043_2016680208590936_36926234558838