ЗАЕВ до Младите: Не чекајте 28 – 29 години за да барате работа и тогаш да стапете во брак


Зоран Заев, на партиската трибина во Валандово:


„Сите политики коишто ги развиваме ни даваат за право, на основа на приходната капацитетност на Вашиот народен буџет, да генерираме работни места доминантно за младите луѓе, за да успееме токму во таа кампања секој млад човек да тргне на работа. Дел со практикантство, да може прва практична едукација да добие работејќи некаде за полесно да се вработи, а дел директно на работа, дел може да има дополнителна едукација. И верувам дека ќе успееме да дадеме ангажман на сите млади луѓе“, истакна Заев, кој потоа им се обрати на младите:


„Само од нив бараме да не чекаат 28 – 29 години, кога стапуваат во брак – тогаш да побараат работа. Не! Кога завршиле образование, средно или високо, веднаш да почнат да бараат работа! Затоа што традицијата ни е таква – кога ќе дојде буквално дома семејството да се формира, тогаш се бара работа. Не! Родителите се тука и тие ќе помагаат. И баби и дедовци помагаат, но моторната движечка сила, генератор на раст и развој во секоја земја, така и кај нас, се младите луѓе“, категоричен беше тој.


„Затоа апелирам сите да се зафатиме со работа, да ја дигнеме продуктивноста во државата. Само така можеме да дочекаме европски плати да имаме овде во Северна Македонија“, додаде претседателот на СДСМ.


gif

извор: шило магазин

29060043_2016680208590936_36926234558838