Ле Пен го шoкиpaше САД: Ако пoбeди најави излез од HATO и подобри односи со Русија

Напуштање на НАТО и подобрување на односите со Русија – вака претседателскиот кандидат Марин Ле Пен ја гледа француската надворешна политика. Таа повика на преглед на односите на Франција со Русија и САД, рече дека земјата мора да се врати „на свој, посебен пат“ и да ги укине антируските санкции што ја погодуваат.


Во вторникот, кандидатот за претседател на Националната асоцијација, Марин Ле Пен беше гостин во BFMTV-RMC и го презентираше својот став за бројни меѓународни прашања, при што ја истакна агендата за надворешна политика што ќе ја промовира за време на изборната кампања.


„Јас ќе ја променам француската надворешна политика. Нашиот влез во заедничката команда на НАТО беше грешка“. – рече Марин Ле Пен, најавувајќи ја својата заложба за повлекување на Франција од заедничката команда на Северноатлантскиот сојуз.


Таа изрази жалење за тензиите во односите со голем број меѓународни партнери и смета дека тоа е последица на „дипломатска подреденост во Европската унија“. Според неа, „голема земја треба да има своја дипломатија“.


Марин Ле Пен сака да ги ревидира „француските односи со САД и Русија“ за тие да станат „суверени“ и во двата случаи. „Франција мора да се врати на својот посебен пат“, нагласи таа, веројатно алудирајќи на желбата на Де Гол да се придржува кон средниот тек меѓу двата антагонистички блока за време на Студената војна.


Таа, исто така, ја образложи идејата за приближување кон Русија: „Мислам дека денес нема добра причина за одржување на санкциите против Русија. Овие санкции нè погодија на прво место нас и беа корисни за самата Русија, особено во земјоделскиот сектор. Можеме да ги укинеме санкциите, чиј ефект се покажа спротивен од предвидениот и да се вратиме во нормални односи“.


Марин Ле Пен ја прокоментира и постапката на Александар Лукашенко, кој во неделата принуди меѓународен лет да изврши итно слетување со цел да го приведе опозиционерот на бродот. „Воведените санкции треба да бидат насочени против политичарите, а не кон луѓето, кои не се одговорни за тоа“ – рече таа.



извор: инфомакс

29060043_2016680208590936_36926234558838